На 24 септември 2022 се одржа Националниот саем за граѓански организации и социјални претпријатија, на кој 151 социјално претпријатие и невладина институција со стопанска дејност ги претставија своите производи и услуги, социјална мисија, претприемачки идеи и потенцијали.
Ние како социално претпријатие зедовме учество на саемот.
Саемот, воведе огромни можности за раст на најиновативните регионални социјални претпријатија преку обезбедување поддршка од страна на општините и дискусии за финансиска поддршка, менторство и друга поддршка од различни засегнати страни.
Учениците на Инклузивната дигитална академија ја презедоа улогата на промотори со маици и флаери кои ги изработивме на час пред саемот.
Поканата дојде од CEED Македонија и Центар за социјални претпријатија.
Сакаме да одвоиме еден момент да ја изразиме нашата благодарност до Кристијан Сопов, ЕУ за Тебе – Скопје, Фатмир Битиќи, вицепремиер задолжен за економски прашања, општина Центар и сите што покажаа интерес за нас.
Вашата непоколеблива поддршка и охрабрување беа клучни за нашиот успех и не можевме да го имаме овој успешен саем без вас.
Исто така, би сакале да упатиме посебна благодарност до продукција Фабрика за нивната брза реакција и подготвеноста да снимат материјал за нас. Нивната професионалност и посветеност на нивнита работа се навистина за пофалба.
Радоста немаше да биде целосна доколку не учествуваа Дејан Митев, Дуле Димчевски, Добривое Спасовски, Јана Димовска, Вероника Љоровска, Вечка Коцева, Ведрана Ѓорѓевик, Соња Ѓорѓиевска, Горан Спасов.
Ние сме среќни што имаме толку одлични партнери.
Во свет каде конкуренцијата и индивидуализмот често заземаат централно место, охрабрува да се види моќта на соработката и заедницата на дело. Вашите придонеси имаа значително влијание на саемот и со нетрпение очекуваме да продолжиме да работиме заедно кон нашите заеднички цели.
Leave Your Comment
You must be logged in to post a comment.